Nærmare 120 millionar menneske er på flukt frå krig og konflikt. Aldri før har så mange hatt behov for hjelp til å skaffe seg ein heim. Men det finst håp, og det finst løysingar. TV-aksjonen 2026 skal bidra til at over 400 000 menneske får tryggare og betre buforhold i Syria, Gaza, Afghanistan, Tsjad, Sudan og DR Kongo.
Pengane skal gå til telt og andre naudbustader, mellombelse og permanente heimar, vass- og sanitærprosjekt og juridisk hjelp for å sikre bustad- og eigedomsrettar.
Eit heim er meir enn fire veggar og eit tak
Å vere på flukt betyr å stå midt i ei djup krise. Livet slik ein kjenner det, blir snudd på hovudet. Menneske som blir tvinga til å flykte frå krig og konflikt, har ofte opplevd store tap. Mange har mist familiemedlemmer, arbeid, utdanning og det sosiale nettverket sitt. Ofte må dei forlate heimen sin med berre det dei klarer å bere, utan å vite om eller når dei kan vende tilbake.
Ein heim er meir enn fire veggar og eit tak. Han gir tryggleik, vern og ein stad å høyre til. Når familiar får ein stad å bu, blir det òg lettare å finne arbeid og sende barna på skule. Slik kan kvardagen bli meir stabil, og grunnlaget for ei ny framtid kan byggjast.
Bøsseberarane er hjartet i TV-aksjonen
Som bøsseberar går du frå dør til dør i to timar søndag 18. oktober og samlar inn pengar til TV-aksjonen. Folk kan vippse til 2133 eller gi kontantar. Kvar bøsseberar samlar i gjennomsnitt inn heile 2300 kroner. Her kan du melde deg som bøsseberar: https://registrering.tvaksjonen.no/ta?bossebarer=true&Kilde=KK Du kan også melde deg som bøsseberar til Anne Fauske på tlf: 94510770. Send ein sms med " ja til bøsseberar", så tek vi kontakt med deg. I fjor hadde me rekordinnsamling i Agder! Bli med å gjenta suksessen!