Nærare 120 millionar menneske er på flukt frå krig og konflikt. Aldri før har så mange trunge hjelp til å skaffe seg ein heim. Men det finst håp, og det finst løysingar. TV-aksjonen 2026 skal bidra til at over 400 000 menneske får tryggare og betre buforhold i Syria, Gaza, Afghanistan, Tsjad, Sudan og DR Kongo.
Pengane skal gå til telt og andre naudbustader, mellombelse og permanente heimar, vatn- og sanitærprosjekt og juridisk hjelp for å sikre bustad- og eigedomsrettar.
Eit heim er meir enn fire vegger og eit tak
Å vere på flukt betyr å stå midt i ei djup krise. Livet slik ein kjenner det, blir snudd på hovudet. Menneske som blir tvinga til å flykte frå krig og konflikt, har ofte opplevd store tap; mange har mist familiemedlemmer, jobb, utdanning og det sosiale nettverket sitt. Ofte må dei forlate heimen sin med berre det dei klarer å bere, utan å vite om eller når dei kan vende tilbake.
Eit heim er meir enn fire vegger og eit tak. Det gjev tryggleik, vern og ein stad å høyre til. Når familiar får ein stad å bu, blir det òg lettare å finne arbeid og sende barna på skule. Slik kan kvardagen bli meir stabil, og grunnlaget for ei ny framtid kan byggjast.
Bøsseberarane er hjartet i TV-aksjonen
Som bøsseberar går du frå dør til dør i to timar søndag 18. oktober og samlar inn pengar til TV-aksjonen. Folk kan vippse til 2133 eller gje kontantar. Kvar bøsseberar samlar i snitt inn heile 2300 kroner.
Her kan du melde deg som bøssebærer
https://registrering.tvaksjonen.no/ta?bossebarer=true&Kilde=KK