Bygland kommune gjer merksam på at privat eigedom ikkje kan lagrast eller hensetjast på kommunal grunn utan særskild skriftleg avtale med kommunen.
Dette gjeld mellom anna bilar, båtar, hengarar, kajakkar, kanoar, campingvogner, maskiner, utstyr, byggjematerialar og anna lausøyre.
All lagring eller hensetting av privat eigedom på kommunal grunn krev gyldig skriftleg avtale med Bygland kommune.
Dersom privat eigedom blir funnen hensett på kommunal grunn utan dokumentert løyve, vil gjenstanden bli merka med varsel frå Bygland kommune. Eigar pliktar då å fjerne gjenstanden innan 3 veker frå datoen varselet blir sett opp.
Dersom eigar meiner å ha løyve til å lagre eller plassere eigedom på kommunal grunn, skal dette dokumenterast ved framlegging av gyldig skriftleg avtale eller kontrakt inngått med Bygland kommune. Manglande dokumentasjon vil bli lagt til grunn som at løyve ikkje føreligg.
Dersom gjenstanden ikkje er fjerna innan fastsett frist, og gyldig avtale ikkje kan leggjast fram, kan Bygland kommune sørgje for at gjenstanden blir fjerna. Eventuelle kostnader knytte til fjerning, transport, oppbevaring eller avhending kan bli kravde dekka av eigar.