Den planlagde avdukinga av Langeidsverdet i rundkøyringa utsetjast. Også Lislefarmen blir utsett.
Avgjersla er teken i samråd mellom Bygland kommune, Agder fylkeskommune og Kulturhistorisk Museum, som følgje av situasjonen rundt helsetilstanden til Kong Harald.
Den unike skulpturen i rundkøyringa skulle etter planen avdukast på laurdag.
Bygland Husflidlag har også bestemt seg for at det er rett å utsette Lislefarmen, som også skulle arrangerast på laurdag.
Av respekt for situasjonen og med omtanke og medkjensle for Kong Harald og kongefamilien, er vi samde om at det er rett å skyve på arrangementet.
Det vil bli arbeidd med å finne ein ny dato for avdukinga. Informasjon om nytt tidspunkt vil bli send ut i god tid.