Riksantikvaren inviterer saman med Agder fylkeskommune, Aust-Agder museum og arkiv og Setesdalsmuseet til ei open markering på brygga i Bygland. Arrangementet er ope for alle!
Eit levande kulturminne
«Bjoren» er ein av dei siste vedfyrte dampbåtane i Noreg, og har frakta folk heilt sidan 1867. No blir ho freda – som eit viktig minne om samferdsel, teknologi og liv i Setesdal - og framleis i full bruk.
Program (start kl. 12.00):
– Musikalsk opning ved Kulturpatrulja
– Velkomst ved fylkesordførar Arne Thomassen
– Historia til «Bjoren»
– Møt kapteinen om bord
– Kulturelle innslag
– Overrekking av fredingsdiplom
Etter programmet blir det mingling på bryggja med setesdalssuppe, kaffi og kake.
Det blir også mogleg for publikum å bli med på tur med «Bjoren», og vi legg opp til aktivitetar for barn og familiar.
Ved dårleg vêr blir delar av arrangementet gjennomført i telt.
Kom og bli med på markeringa av eit unikt stykke norsk historie!