Mål for tenesta:

Bygland kommune skal syte for at det er greitt å ferdast på kommunale vegar, samt ha fokus på trafikktryggleik og miljøvenlege løysingar.

Målgruppe:

Alle trafikkantar som nyttar seg av det kommunale vegnettet i Bygland.

Vi forplikter oss til:

• Drift og vedlikehald av kommunalt vegnett i Bygland kommune.
• Vintervedlikehald av kommunale vegar:
  • Brøyting skal starte når det har kome min. 5 cm og maks. 15 cm snø.
  • Når tilhøva tilseier brøyting og strøing skal dette utførast inntil vegane er farbare.
  • Gangvegar skal brøytast og strøast så godt at fotgjengarane ikkje vel å gå i køyrevegen.
• I sommarhalvåret skal vegar og plassar med grusdekke skrapast og lappast når dette er naudsynt. Ved sterke støvplager skal det og saltast.
• Trafikkfarlege tilhøve, t.d. djupe hol, skal utbetrast fortløpande.
• Kantklypping skal vere utført innan 15. september kvart år.
• Feiing av kommunale vegar, plassar, gang- og sykkelvegar skal vere utført innan 17. mai kvart år i tettbygd område. Her vert sanden samla opp og køyrd vekk. På vegar utanom tettbygd område skal naudsynt feiing vere gjort innan 20.juni kvart år. her vert ikkje sanden samla opp.
• innmeldte mørke gateljos skal normalt bytast inann 4 veker i haust/vinterhalvåret

Vilkår:

• Naboar til kommunale vegar må akseptere at det blir lagt att snø på eigedom som grensar til vegen.
• Under normale vertilhøve kan trafikkantane vente at det er greitt å ta seg fram. Under vanskelege vertilhøve (mykje snø, flaum m.m.) må trafikkantane rekne med at det i periodar kan vere vanskeleg å ta seg fram.

Kva ventar vi av deg:

• At du melder frå om vegproblem (hol, hindringar i vegen, feil ved gateljos m.m.) så snart som mogleg.

NB!

• Brøyting, snørydding og anna vedlikehald på private vegar er den einskilde sitt ansvar.

Lover og føresegner

• Veglova.
• Vegtrafikklova, med forskrifter og vedtekter.
• Plan- og bygningslova (pbl) med forskrifter.
• Lov om rettstilhøve mellom grannar (grannelova).
• Forvaltningslova.

Kva kostar det?

Det kommunale vegnettet er tilgjengeleg for alle og medfører normalt ingen kostnader for trafikkantane.

Ytterlegare informasjon

Meldingar, spørsmål eller klagar sender du til Bygland kommune, 4745 Bygland - eller post@bygland.kommune.no - eller du kan vitje tenestetorget i kommunen eller ringe 37 93 47 00 (i arbeidstida).