Mål for tenesta

Distribusjon av drikkevatn til abonnentar tilknytta kommunale vassverk i Bygland kommune.

Kven er omfatta av tenesta?

Tenesta omfattar alle abonnentar som er tilknytta kommunal vassforsyning.

Vi forplikter oss til:

• Å levere vatn av god kvalitet og rett mengde til Bygland kommune sine abonnentar.
• At kvaliteten på vatnet er etter gjeldande krav eller betre. Det vert regelmessig sendt prøver av vatnet til eit godkjend laboratorium.
• At vasstrykket skal vere på minst 2 bar.
• At stans i vassforsyninga som følgje av reparasjonar ikkje bør overstige 6 timar på dagtid eller maksimalt 12 timar.
• At tiltak som krev stans i vassforsyninga vert varsla på førehand.
• Å etablere alternativ vassforsyning ved mangel på vatn i over 6 timar på dagtid.

Kva vert ikkje omfatta av dette?

Naudsituasjonar (flaum. straumbrot, unormal frost eller andre uforutsette hendingar), samt feil på private stikkleidningar.

Kva venter vi av deg?

• Dersom vasstrykket enkelte stader er større enn 6 bar må abonnenten sjølv syte for å få installert ein reduksjonsventil.
• At du gjer kommunen melding ved vassmangel, undersøkjer eigen stikkleidning ved mistanke om lekkasje og melder ifrå om eigarskifte og flytting.
• Vi ber og om at du som kunde les av vassmålar og betalar reikningane ved forfall, samt at du har kjennskap til kvar utvendig stoppekran er plassert.

Lover og føresegner:

• Lov om helsetjenesten i kommunene.
• Lov om kommunale vass- og kloakkavgifter.
• Lov om kjøp.
• Forskrift om vannforsyning og drikkevann.
• Forskrift om kommunale vann- og avløpsgebyrer.

Kva kostar det?

Avgifter på vatn omfattar tilkoplingavgift (eingongsavgift), abonnement vatn og forbruk vatn (årleg forbruk vatn: anten målt forbruk eller stipulert forbruk). Avgiftene vart kvart år fastsett av kommunestyret. Du finn opplysningar om kor store avgiftene er på kommunen si heimeside, eller du kan kontakte tenestetorget i kommunen.

Ytterlegare informasjon

Meldingar, spørsmål eller klager sender du til Bygland kommune, 4745 Bygland - eller post@bygland.kommune eller du kan vitjke tenestetorget i kommunen eller ringe 37 93 47 00.

Melding om feil

Ved stopp eller feil på kommunal vassforsyning, ring 97 00 47 45