Tenesta omfattar:

• Hjelp til etablerarar som vil setje i gang næringsverksemd i Bygland kommune.
• Handsaming av søknader om støtte frå næringsfondet, som går til politisk handsaming i formannskapet og kommunestyret.
• Sakshandsaming av næringssaker i nettverk med regionale og statlege aktørar.
• Gjennomgang av dokumentasjon og attestasjon for utbetaling av løyvde tilskot frå næringsfondet.

 Føremål med tenesta:

• Stimulere til positiv utvikling, trivsel og godt bumiljø i Bygland kommune.

Lovverk / heimel / klagerett:

• Statlege, regionale og lokale retningsliner vedkomande løyvingar frå næringsfond og allmène kulturmidlar.
• Søkjar har ingen rett til å mottake tilskot.  Tilskot vert løyvd ut frå fakta i søknaden, individuell vurdering av søkjar, vurdering av konkurransesituasjon og omsyn til prioriterte satsingsområde.
• Du har rett til å klage på kommunen sine avgjerder i samsvar med reglane i forvaltningslova.  Klagefristen er 3 veker frå du har mottatt melding om vedtak frå kommunen.

Omtale av tenesta – kvalitetssikring:

• Fyrstekontakt med etablerarar for å kartlegge behov for hjelp og vidare handsaming.
• Introduksjon i høve etableraropplæring og -nettverk, informasjon om støtteordningar, registrering av firma, rettleiing i utforming av søknader og forretningsplan m.v.
• Hjelp til å avklare alternative lokalar for næringsverksemd.

Kommunen sitt ansvar – sakshandsaming:

• Søknader til næringsfondet og søknader om støtte til kulturaktivitetar vert handsama fortløpande.
• Sakene vert handsama konfidensielt ut frå vurdering av personlege og/eller forretningsmessige omsyn.
• Det skal gjevast svar på søknader i samsvar med reglane i forvaltningslova.
• Dersom det er feil eller manglar med søknaden din, skal vi gjeve attendemelding og utfyllande informasjon innan 3 veker.

Brukaren sitt ansvar:

• Du tek kontakt og avtalar møte på førehand.  Du kan kome til kommunen eller vi kan avtale å møtast ein annan stad; t.d. for synfaring.
• Søknaden din må vere fullstendig, gjennomarbeidd og eintydig.  Det skal nyttast fastsette skjema der dette finst (forretningsplan, etablerarstipend etc.)
• Du må sjølv utforme søknaden din, vi kan samtale og rettleie deg.
• Ved søknad om utbetaling av løyvde tilskot må det følgje med revidert rekneskap eller tilsvarande / naudsynt dokumentasjon som kommunen kan godkjenne.

Betaling – pris:

Tenester og sakshandsaming innan tenesteområde næring er gratis.

Dersom kommunen ikkje oppfyller pliktene:

Dersom saksgangen tek lenger tid enn venta skal vi gjeve attendemelding om grunnen til dette, samt informere om kva tid du kan pårekne at saka er ferdig handsama.

Ansvarleg:

Næringsarbeidet blir ivareteke av rådmann Trine Pettersen Grønbech, ordførar Knut A. Austad, Økonomisjef Aasmund Lauvdal og Overordna Plan - Vidar Frøysnes

e-mail adresse: trine.pettersen.gronbech@bygland.kommune.no

Tlf./kontor: 379 34703 /sentralbord: 379 34700 /telefaks: 379 34701 /mobil 94 50 28 58