Tenesta omfattar:

• Handsaming av søknader om støtte til kulturaktivitetar, og fordeling av kulturmidlar.
• Planlegging, rettleiing, informasjonsarbeid og forvaltning av spillemiddelsaker.
• Kontaktarbeid, informasjon og rettleiing til lag og foreiningar.
• Drift av bibliotektenesta i Bygland, med filial på Byglandsfjord.
• Drift av ungdomsklubben på Bygland.
• Sponsing av privat ungdomsklubb på Byglandsfjord.
• Sponsing av Bygland hornmusikk.
• Koordinering av årlige større arrangement som UKM (Ungdomens KulturMønstring).
• Administrasjon av arbeidet med skriving, trykking og distribusjon av bygdeboka.
• Samarbeid om interkommunale tiltak:  
• - Kulturskulen | heimeside:http://www.behkulturskole.no/
• - Setesdalsmusèet | heimeside: http://www.setesdalsmuseet.no/
• Kulturskulen gjev barn og unge eit tilbod om opplæring innan ulike kulturuttrykk. Tilbodet vil variere ut frå brukarane sine preferansar; til dømes dans, drama, bildekunst og musikk (piano, trekkspill, fiolin, cello, bass, fele- folkemusikk, korpsinstrument, slagverk, orgel, kor, korps.  Kulturskulen kan etter nærare avtale gi individuell opplæring tilpassa brukarar med særskilte behov

 Føremål med tenesta:

• Stimulere til positiv utvikling, trivsel og godt bumiljø i Bygland kommune.
• Hjelp til enkeltpersonar, lag og foreiningar som vil setje i gang aktivitetar i Bygland kommune; både innan næring og kultur.
• Drift og vidareutvikling av aktivitetar og tenester som publikum ønskjer og spør etter.
• Det skal leggast særskilt vekt på behova for barn, ungdom og familiar i etableringsfasen.

 Omtale av tenesta - Kvalitetssikring.

• Bibliotektenesta i Bygland med filial på Byglandsfjord skal vere lokalt ressurssenter for informasjon, kunnskap, kultur og kommunikasjon.
• Klubbtilbodet for barn og ungdom skal drivast og stadig vidareutviklast slik at det held høg kvalitet, og såleis er lærerikt og interessant for brukarane.
• Miljøet innan dei kommunale aktivitetstilboda for barn og ungdom skal vere trygt og godt for brukarane, og så langt som råd vere tilpassa særskilte behov.
• Kvalitetssikring av tenesta skjer via tverrfaglege team og intern vurdering.  Oppfølging av einskilde saker skjer når det er registrert ønskje om dette, og behovet er klarlagt.

 Kommunen sitt ansvar - sakshandsaming.

• Det skal gjevast svar på søknader i samsvar med reglane i forvaltningslova.
• Dersom det er feil eller manglar med søknaden din, skal vi gjeve attendemelding og utfyllande informasjon innan 3 veker.
• Søknader om kulturmidlar vert handsama 1 gong kvart år.
• Søknadsfrist for kulturmidlar og framlegg til kandidatar for kulturprisen vert kunngjort i lokalavis min. 2 veker før saka vert tatt opp til handsaming.
• Bygland kommune vurderar kandidatar til kulturprisen annakvart år (partallsår).
• Framlegg til kandidatar for kulturprisen vert alltid handsama konfidensielt.

Brukaren sitt ansvar:

• Du tek kontakt og avtalar møte på førehand.  Du kan kome til kommunen eller vi kan avtale å møtast ein annan stad; t.d. for synfaring.
• Søknader om tilskot må vere fullstendige og eintydige.  Det skal nyttast fastsette skjema der dette finst (søknad om kulturmidlar etc.)
• Du må sjølv utforme søknaden din, vi kan samtale og rettleie deg.
• Ved søknad om utbetaling av løyvde tilskot må det følgje med revidert rekneskap eller tilsvarande/naudsynt dokumentasjon som kommunen kan godkjenne.
• Ta kontakt om du har ein idè, eller har spørsmål om aktivitetar eller liknande retta mot våre fagområde.
• Sende søknader og påmeldingsskjema innan fastsette fristar.
• Betale eigenandel etter regulativ, der dette er aktuelt.
• Kulturskulen tek inn elevar etter søknad, og talet på plasser er avgrensa.
  Er det ledig plass, vert elevar tatt inn fortløpande gjennom skuleåret.
  Elevar som ikkje får plass, vert registrert på venteliste.
• Du møter fram til undervisning når du skal, og du gjev beskjed om du ikkje kan møte.

 Betaling - pris

• Sakshandsaming innan tenesteområde kultur er gratis.
• Det er gratis å vere med på ungdomsklubben.
• Bygdeboka og andre aktuelle artiklar frå kultursektoren kan bestillast via tenestetorget til fastsette prisar.
• Kulturskulen har reglement for eigenandel; sjå internett heimeside.
• Leige av kommunale kulturbygg vert styrt av kommunen sitt betalingsregulativ.
  

Lovverk/heimel/klagerett

• Kulturskulen si verksemd er forankra i opplæringslova.
• Bibliotekdrifta er forankra i biblioteklova.
• Lokale føringar vedkomande løyvingar til allmène kulturmidlar.
• Søkjar har ingen rett til å mottake tilskot.  Tilskot vert løyvd ut frå fakta i søknaden, individuell vurdering av søkjar og omsyn til prioriterte satsingsområde.
•  Du har rett til å klage på kommunen sine avgjerder i samsvar med reglane i forvaltningslova.  Klagefristen er 3 veker frå du har mottatt melding om vedtak frå kommunen.

Dersom kommunen ikkje oppfyller pliktene

Dersom saksgangen tek lenger tid enn venta skal vi gjeve attendemelding om grunnen til dette samt informere om kva tid du kan pårekne at saka er ferdig handsama

Ansvarleg

Tenesteleiar for kultur er: Beate Messel

e-mail adresse: beate.messel@bygland.kommune.no

Tlf./sentralbord: 379 34700 /telefaks: 379 34701