Formål:

Heimesjukepleia skal hjelpe deg med praktiske og personlege gjeremål, slik at du kan bu heime så lenge det er forsvarleg.

Tenesta vil bistå/ kompensere for manglande eller nedsett evne til egen omsorg uansett alder og økonomi.

Kven får tenesta?

Dei som bur eller oppheld seg i Bygland kommune.

Kva omfattar tenesta?

Heimesjukepleien kan t.d. hjelpe deg med:

• Hjelp til personlig hygiene.
• Wc-besøk.
• Stell av sår .
• Tilsyn.
• Hjelp til måltider.
• Hjelp med medisinar.
• Informasjon om andre tilbod .

Avgrensingar: 

• Vi kan ikkje gi avtale om hjelp på heilt eksakt klokkeslett.
• Vi har liten mogelegheit til å følgje til undersøkingar, lege eller andre instansar.

Dette kan du forvente av oss: 

• Brukarar vert møtt med respekt og vennlegheit.
• Lytte på brukaren sine behov.
• Faste vekedagar og tidspunkt for hjelp (ved endring skal brukar ha beskjed).
• Teieplikt.
• Har ikkje lov å ta imot personlige gåver.

Kva vi forventar av deg: 

• Sørgje for nødvendig utstyr (klutar, handkle, såpe osv.)
• Evt. ommøblere dersom det vert nødvendig.
• Melde ifrå dersom ein for eksempel er borte eller har besøk på avtalt tid for hjelp.
• Ein ber om at vegen fram til bustaden er brøyta og strødd.

Korleis få tenesta ?

• Skriftleg eller munnleg søknad kan rettast til: Bygland kommune, Eining for pleie og omsorg, 4745 Bygland evt. pr. tlf.: 37 93 47 80.
• Sjukehus eller andre institusjonar kan søke, men då må brukaren ha gitt sitt samtykke.
• Innan 1 veke skal søkjaren få stadfesta at søknaden er motteke. 
• Om nødvendig vert det foretatt eit vurderingsbesøk for å kartlegge behovet innan 4 veker.
• Søknaden vert handsama av ansvarleg leiar.
• Søkjar skal få svar på søknaden innan 4 veker.  

Lovgrunnlag:

Tenesta vert tildelt etter lov om helsetenester i kommunene.

Pris:  

Heimesjukepleie er gratis.

For ytterlegare informasjon, kontakt:

Avdelingsleiar Monica Galdal, tlf.: 37 93 47 80.