Formål med tenesta:

Eit bu- og behandlingstilbod for personar som treng eit skjerma butilbod.

Kven får tenesta?

Personar med diagnosen demens som hovuddiagnose. Endring i brukaren sitt pleiebehov kan medføre flytting til annan avdeling.

Kva omfattar tenesta?

• Hjelp ut frå ein fagleg vurdering og i samarbeid med brukar/pårørande.
• Medisinar / medisinsk forbruksmateriell.
• Legetilsyn / spesialisthelsetenesta ved behov.
• Tannhelseteneste.
• Fysikalsk behandling og trening etter faglig vurdering.
• Tilbod om tilpassa hjelpemidlar og medisinsk utstyr.
• Sosiale og kulturelle aktivitetar i samarbeid med frivillige organisasjonar.
• Tilbod om frisør og fotpleier, som brukar sjølv betaler for.
• Vi prøver å ha faste rom til våre brukarar, men intern flytting kan av ulike behov bli gjort.  

 Korleis få tenesta?

• Skriftleg eller munnleg søknad kan rettast til: Eining for pleie og omsorg, Bygland kommune, 4745 Bygland, tlf.: 37 93 47 00.
• Sjukehus eller andre institusjonar kan søke, med då må brukaren ha gitt sitt samtykke.
• Innan 1 veke skal søkjaren få stadfesta at søknaden er motteke.
• Om nødvendig vert det gjennomført eit vurderingsbesøk, for å kartlegge behovet innan 4 veker.
• Søknaden vert handsama av ansvarleg leiar.
• Søkjar skal få svar på søknaden innan 4 veker.

Lovgrunnlag:

Tenesta er lovpålagt i medhald til Lov om helsetenesten i kommunen § 2-1.

Klage: 

Dersom du ønskjer å klage på vedtaket er klagefristen 3 veker frå vedtaket er mottatt. Klagen kan sendast til: Eining for pleie og omsorg, Bygland kommune, 4745 Bygland.

Pris:

Vederlag for opphald vert kravd i medhald til Forskrift for vederlag for opphold i institusjon, fastsett av Sosial – og helsedepartementet 26.april 1995 med endringar av 5.januar 2001 (jfr. Rundskriv 1–4/2001 frå Sosial – og helsedepartementet) med heimel i Lov av 19. november 1982 nr.66 om helsetenesta i kommunane § 2–3 og § 6–9. 

For ytterlegare informasjon, kontakt:
Avdelingsleiar Gerd Torild Helle Aakhus, tlf.: 37 93 47 80