På tenestetorget får du hjelp med det du treng, enten kan vi hjelpe deg der og då, eller vi viser vegen vidare i systemet. Stadig fleire oppgåver får du svar på hjå oss!

  Kva gjer vi:

 Kva kan du vente av oss?

• At vi møter deg venleg og med respekt.
• Vi skal kunne gje deg informasjon om den saka du lurer på, og rettleiing til å kome deg vidare.
• Tydelege og forståelege tilbakemeldingar.
• Hjelp til å fylle ut søknadsskjema.
• At vi viser deg til rett person eller kontor når vi ikkje kan hjelpe.
• At du skal bli teken imot straks du kjem og at vi tek telefonen så fort det ringar.

 Kva ventar vi av deg?

• At du kontaktar oss når du kontaktar kommunen.
• At du gjer oss ros når du er nøgd, og ris når du er misnøgd.

 Søknadsskjema og lovverk

• Du finn søknadsskjemaet du treng hjå oss. Vi arbeider etter Forvaltningslova og Offentleglova.

 Saksbehandlingstid

• Telefonar, e-post og spørsmål ved skranke svarar vi på etter kvart som dei kjem.
• Saker som blir handsama ved tenestetorget skal du få svar på i løpet av tre veker etter at vi har motteke saka – eller tre veker etter søknadsfrist. Rekk vi ikkje fristen skal du få beskjed om kor lang tid vi treng på å handsame saka.

 Kva kostar det?

• Her finn du oversikt over alle betalingssatsane i Bygland kommune. Vi kan også opplyse deg om desse om du kontaktar oss.
• Kopiar kostar kr 2 for A4 svart/kvitt - kr 10 for A4 farge - kr 5 for A3 svart/kvit - kr 20 for A3 farge.
• Laminering kostar kr 20 for A4, kr 10 for C5.