Tilbod om omsorgsbustad er ikkje lovpålagt. Kommunen tilbyr likevel denne tenesta til personar som pga. fysisk, psykisk eller sosial funksjonssvikt har eit omsorgsbehov som ikkje kan dekkast i noverande bustad. Kommunen har i dag 8 omsorgsbustader som ligg ved Byglandsheimen og 9 omsorgsbustader på Byglandsfjord. Det skal vere vurdert andre bustadløysingar, slik som utbetring av eksisterande bustad eller kjøp/leige av bustad på den opne marknaden. Det er mogeleg å søkja om utbetringstilskott /-lån i Husbanken. Dette er behovsprøvd.

Husbanken - tilskot 

For å sikre at vi gjev bustad til dei som treng det mest, vurderer vi nøye om søkjar er i stand til å skaffe seg bustad sjølv.

Fullmakt til å tildele omsorgsbustader, er gjeve til omsorgsnemnda i kommunen.

Søknaden skal sendast til Byglandsheimen v/omsorgsnemnda, tlf.:37 93 47 80. Før søknaden vert handsama i omsorgsnemnda, vil det bli gjort eit heimebesøk med kartlegging av søkjar sin heimesituasjon.

Søkjar av tenesta må bu i kommunen og det må liggje føre ein søknad om omsorgsbustad.  

Søknadsskjema

Husleiga vert fastsett ved det årlege budsjettvedtaket. Det vert sendt ut faktura kvar månad, og det er mogeleg å søkja om bustøtte.

Sosial og helsedirektoratet har gjeve pålegg om å registrera alle søkjarar og mottakarar av kommunale tenester i eit nasjonalt register kalla IPLOS. Det inneber mellom anna ein funksjonsvurdering som grunnlag for eventuelle vedtak. Du vil ha rett til innsyn i alle saka sine dokument etter Forvaltningslova § 18, første ledd.

Forvaltningslova